Albian Ajeti është shqiptari i radhës që debutoi me kombëtaren e Zvicrës dhe këtë e bëri më së miri duke shënuar gol që në ndeshjen e parë. Zvicra mposhti Islandën 6-0 në ndeshjen e parë të Ligës së Kombeve dhe kjo ishte ndeshja e parë për Ajetin, i cili nuk u ftua në Botërorin e Rusisë nga trajneri Petkovic.
Albiani pas ndeshjes është shprehur mjaft i lumtur për golin e tij: “Nuk do ta harroj kurrë golin tim të parë. Jam ende i mbushur me emocione dhe ditën tjetër u zgjova me mesazhe urimi. Nuk kam bërë asgjë ende“, – u shpreh ai.
Për herë të parë ai ka zbuluar një prapaskenë mjaft interesante të karrierës së tij. Albiani bashkë me vëllain e tij binjak Adonisin tek Barcelona, ku ishte pranuar vetëm sulmuesi i Bazelit. Prindërit nuk donin që t’i ndanin vëllezërit binjakë dhe vendosen të mos shkonin. Rrugët e tyre sot janë ndarë, pasi Albiani luan për Bazelin, Adonisi për Chiason, pavarësisht se kartonin e tij e ka St. Gallen, ndërsa Arlindi është pa ekip.
Interesant është fakti se familja Ajeti i ka të gjithë djemtë që merren me futboll. Albiani shpjegon se ishte dëshira e babit për t’u marrë me këtë sport dhe i mbushi mendjen atyre. “Në moshë të re ne mendonim vetëm për futboll. Babai na bindi se kishim talentin e tij, por unë nuk besoja, pasi ai kishte qenë portier në kohën e Jugosllavisë”, – tregon 21-vjeçari që luan me Bazelin.
Nuk und të mungonin edhe pyetjet për kombëtaren shqiptare, pasi Albiani ishte një ndër emrat më të përfolur pak muaj më parë se do të bashkohej me kuqezinjtë, por në fund ai zgjodhi Zvicrën dhe ka tani i jep fund të gjitha diskutimeve. “Për mua nuk ka qenë kurrë një temë e madhe, kam dashur kombëtaren e Zvicrës gjithmonë, e kam dashur që prej vitit 2011″, – u përgjigj ai.
Në fakt duket interesante “atdhedashuria” e familjes Ajeti, pasi Arlindi luan me Shqipërinë, pasi nuk kishte mundësi të luante me Zvicrën, Albiani luan me Zvicrës, pasi u ftua. Ndoshta nëse Adonisi merr ftesë nga Kosova, do ta pranojë. 3 vëllezër, 3 kombëtare!
