Gjykata e Krimeve të Rënda ka dhënë sot vendimin për dënimin me burg përjetë ndaj Denis Shtrazës, i cili akuzohet për vrasjen e Gazmend Çollakut.
Denis Shtraza, i akuzuar për rrëmbimin dhe torturimin me pasojë vdekjen e Gazmend Çollakut në janar të vitit 2016, para trupit gjzkues ka thënë se nuk ka lidhje me ngjarjen. Prokuroria është shprehur se Shtraza është person me rrezikshmëri të lartë, madje ka kërkuar që Shtraza të mbyllet në një burg me siguri të lartë.
Denis Shtraza është njëri nga personat e akuzuar për rrëmbimin e Çollakut, ndërkohë që për ish-oficerin e dyshuar bashkë me të, Ervin Dalipaj, gjykimi u pushua pas vrasjes së tij.
Por Denis Shtraza pretendon se nuk ka lidhje me akuzën pasi, sipas tij, ai ishte shok me Çollakun, të cilin e njihte që kur të dy ata mbaheshin në burg për vepra të tjera.
Njohja me viktimën
Por, sipas një dëshmie të dhënë nga ana e të akuzuarit, Denis Shtraza ka pohuar para Krimeve të Rënda, kishte pasur raporte miqësore me personin për të cilin akuzohet ta ketë rrëmbyer dhe vrarë.
“Gazmend Çollakun e kam njohur në vitin 2008 në burg. Në atë kohë unë vuaja një dënim për ‘mbajtje pa leje të armëve dhe municioni’, ndërsa ai vuante një dënim për “plagosje”. Ishim në të njëjtin sektor. Gjatë kësaj kohe kam pasur marrëdhënie të mira me të, si dy çuna durrsakë. Kemi agjëruar bashkë në burg. Për marrëdhënien time miqësore me Çollakun kanë pasur dijeni edhe persona të tjerë”, tha Shtraza.
Por viktima ka qenë i dënuar më parë. Sipas të pandehurit, ai është shprehur se edhe pças dalje nga burgu kishte ruajtur raporte miqësore me viktimën.
“Pasi kam dalë nga burgu dhe ai vazhdonte të ishte i dënuar, unë i kam çuar cigare në burg Gaz Çollakut. Kur ai përfundoi dënimin, ne jemi takuar disa herë dhe kemi pirë kafe bashkë. Unë njihja dhe të fejuarën dhe familjarët e tij, pasi jetonim në të njëjtën lagje në Durrës”, u shpreh ai.
Por, ai ishte dënuar në 2013 ku kishte k rënë pre e një sulmi të armatosur, ku ishte plagosur, duke theksuar se për të kjo ishte një histori e mbyllur. “Mua më kanë plagosur në vitin 2013. Kam qenë në kafe dhe më kanë qëlluar me pistoletë. Unë për këtë ngjarje nuk kam akuzuar, apo fajësuar ndonjëherë Gazmend Çollakun. Ata që më kanë plagosur janë dënuar nga drejtësia”, tregoi Shtraza.
Çfarë ndodhi ditën e ngjarje ku u vra Gaz Çollaku?
I pandehuri Denis Shtraza. është shprehur se lidhur me rrëmbenin dhe vrasjen e Gazmend Çollakut e kishte mësuar në Tiranë, përmes lajmeve në televizion. Në vijim, i pandehuri rrëfeu me detaje lëvizjet e tij të datës 6 janar, ditë kur ndodhi rrëmbimi i Çollakut në Durrës.
“Nuk e kujtoj saktësisht datën, por jam zgjuar rreth orës 11:00. Kam dalë nga shtëpia dhe jam qethur dhe më pas piva kafe me disa shokë të mi. U thashë atyre që do të shkoja në Tiranë, për punë të miat. Udhëtimin nga Durrësi në Tiranë e kam bërë me një furgon. Duhet të ketë qenë ora 15:30 apo 16:00 kur mbërrita. Shkova te një lokal pranë kryqëzimit të ’21 Dhjetorit’, ku takova një shoqen time”, dëshmoi Shtraza.
