Ish-ministri i Jashtëm, Ditmir Bushati, ka deklaruar për mediat gjatë mbrëmjes së sotme se rasti i Valdrin Pjetrit në Shkodër, dëshmon për një reformim të thellë të partive politike. Sipas tij, çështja në fjalë nuk mund të trajtohet me shkarkime në masë.
Teksa ka analizuar rastin e Valdrin Pjetrit, ai theksoi para mediave se ky fenomen duhet të çrrënjoset, dhe të gjitha subjektet politike duhet t’u japin qytetarëve të saj emrat më të mirë.
“Unë kam pasur mundësi për t’i trajtuar brenda PS-së, sepse tek e fundit jemi një familje e vetme dhe meritojnë të trajtohen brenda strukturave. Por pas asaj që ndodhi në Shkodër, duhet në reagim më agresiv, nuk është një çështje që duhet të trajtohet vetëm në mënyrë ligjore e procedurale.
Tanimë kjo është një çështje që shkon përtej mureve të një organizate politike. Nuk jemi as prokuror, as gjyqtar, por kemi përgjegjësinë si politikan për të pranuar rrënjët e këtij fenomeni dhe luftimin e tij. Them se ka nevojë për një reformë të thellë të partive politike.
Ne na takon të njohim realitetin dhe përgjegjësinë politike, të propozojmë reforma politike që ndërtojnë sistemin imunitar për një jetë tjetër politike.
Unë po flas vetëm për çështje që kanë adresuar. Ne jemi një familje e madhe politike, dhe askush nuk ka pse ndihet i ligështuar për shkak të vendimmarjeve që ne kemi ndërmarrë në ndonjë rast, por e rëndësishme është që ne ta shfarosim këtë fenomen”.
