Ish-ministri i Drejtësisë, Ylli Manjani ka lëshuar akuza të rënda ndaj ministrit të Brendshëm, Fatmir Xhafajt, teksa e akuzon se ka futur provokatorë incidentesh mes protestuesve.
Me anë të një postimi në Facebook, Manjani shkruan se protesta nuk ndalet me “hinka” policore dhe provokatorë incidentesh, ndërsa përfundon se ai do të jetë mes protestuesve në protestë.
Postimi i plotë:
“Me “hinka” policore dhe provokatorë incidentesh nuk ndalet protesta!
Nëse provokatorët që ka futur Fatmir Xhafa, në disa autobusë, do arrijnë të jenë të suksesshëm, atëhere përgjegjësia do bjerë direkt mbi të!
Ai nuk di mjete të tjera, këto ka mësuar nga partia e tij, por nuk e ndalon dot protestën!
Ende shpresoj se policët e kuptojnë këtë poshtërsi që u është prezantuar sot në mëngjes!
Ndërkohë provokatorët e paguar nga droga, bëjnë mirë të shohin punën e tyre…
Aty do jem në protestë! Të shohim!”.
