Autoriteti Kombëtar i Ushqimit u bën apel të gjithë konsumatorëve që të shmangin blerjen e produkteve të bulmetit që shiten jashtë kushteve higjeno-sanitare.
Inspektori pranë kësaj drejtorie, Manush Kullolli shprehet se siguria ushqimore vazhdon të mbetet shqetësuese, duke u bërë thirrje të gjithë qytetarëve që të mos blejnë nëpër tregjet që nuk ofrojnë kushtet e posaçme.
“Paraqitja e problematikave në sigurinë ushqimore, ka një gamë të ndryshme por specifikisht mund të përmendim produktet me origjinë shtazore të cilat kanë edhe një fokus të veçantë në plotësimin e kushteve të ruajtjes. Gjithashtu edhe një thirrje drejtuar të gjithë konsumatorëve dhe qytetarëve që doja ta shprehja dhe ta ndaja bashkë me ju dhe gjithë opinionin publik, kërkoj që të refuzojnë në mënyrë kategorike të gjithë ato produkte që shiten jashtë kushteve higjeno-sanitare, nëpër trotuare, nëpër rrugë, nëpër vende të ekspozuara në diell”, shprehet Kullolli.
