Ndonëse prej shumë vitesh është pjesë e ekranit, Esmeralda Metkaj, e njohur si Cubi, ka preferuar ta mbajë jetën personale larg vëmendjes së mediave. Mediat rozë shkruajnë vazhdimisht për të, për projektet më të fundit por edhe për jetën personale. Në “Shije Shtëpie” në Tv Klan, Cubi ka ndarë me publikun një thashethem që ka dëgjuar për veten.
Cubi Metkaj: Për mua personalisht, unë gjithmonë e kam mbajtur larg vëmendjes së publikut jetën time personale.
Katerina Trungu: Edhe prapë s’të kanë lënë rehat portalet.
Cubi Metkaj: Gjithmonë o ka një burrë… Madje së fundmi më bënë edhe ka një femër kjo përkrah.
Katerina Trungu: Jo, çfarë thua?
Cubi Metkaj: Po tani, njerëz të gjallë jemi, thashë hajt po e provojmë doli që doli. Por gjithmonë jam përpjekur që jetën time personale ta mbaj absolutisht larg, sa më larg të jetë e mundur sepse dashur, padashur, njerëzit cënohen.
Këta njerëz, që ndonjëherë shkruajnë, qoftë edhe në mënyrë arrogante apo komentet etj, edhe ai është si puna ime, ka një familje, ka një nënë, ka një motër, ka një vëlla, ka një partner, partnere, fëmijë etj me radhë, dhe këta harrojnë që edhe ne, edhe pse jemi personazhe publike, pas kësaj kamerës apo televizorit, kemi një jetë personale. Dhe këta njerëzit tanë lëndohen po njësoj, dhe shkon në një dimension akoma dhe akoma më të gjerë që ti duhet të punosh mirë me veten. Por edhe me njerëzit e tu, me familjarët e tu, pra është një zinxhir shumë i gjatë.
Dhe e mira është, të paktën për mua, në këndvështrimin tim, për ta mbajtur sa më larg të jetë e mundur me sa më shumë forcë dhe fuqi të kesh. Pastaj çfarë do ti të ndash, është në dorën tënde absolutisht.
