Aktori turk Can Yaman, i cili u bë i famshëm në vendin tonë nga seriali “Një puthje në errësirë”, mbetet ndër emrat më të lakuar. Së fundmi e kemi parë në serialin e tij më të ri të titulluar “Bay Yanlis” ku Can luan krah Ozge Gurel. Pavarësisht suksesit të garantuar, duket se diçka shkoi gabim dhe përfundoi në gjykatë.
Duke iu referuar mediave turke, kompania prodhuese e këtij seriali është hedhur në gjyq nga televizioni Kandal D, që ka hapur padi ndaj kompanisë “Gold Film”. Pasi fillimisht kjo kompani kishte bërë një marrëveshje që “Bay Yanlis” të transmetohej në Kanal D.
Më pas “Gold Film” e ka prishur marrëveshjen duke vendosur ta transmetojë serialin në Fox Tv.
Mirëpo, “Kanal D” pretendon se skenari dhe kasti i serialit ishte vendosur nga ta, por këtë e ka kundërshtuar pronari i kompanisë “Gold Film” i cili shprehet se idetë kanë qenë autentike të tij.
Sot mediat turke raportojnë se “Kanal D” e ka hedhur për herë të dytë në gjykatë kompaninë e këtij seriali, gjë që mund të çojë edhe në ndërprerjen e tij.
Can Yaman është një prej aktorëve më të kërkuar në tregun e kinematografisë turke. Me një fizik të mirë dhe një pamje të bukur, padyshim që ka rrëmbyer zemrat e shumë femrave. Ai më herët ka deklaruar se ka prejardhje shqiptare.
