Almeda Abazi së bashku me partnerin e saj Tolgahan Sayisman u bënë prindër për herë të parë të një vogëlushi, që vendosën ta quanin Efehan.
Aktori turk ka deklaruar se është tepër i emocionuar, ndërsa nuk ka nguruar edhe të tregojë se kanë qenë orë ankthi për të. Ai ka përgëzuar bashkëshorten e tij, duke e cilësuar si heroinë, ndërsa lindja ka zgjatur 12 orë.
“Jam shumë i emocionuar dhe shumë i lodhur. Lindja zgjati shumë. Kam hyrë në sallë, por nuk e kisha menduar kaq të vështirë. E përgëzoj bashkëshorten time. Lindja normale nuk qenka aspak e lehtë. Dua t’i jap një medalje Almedës. Lindja zgjati 12 orë. Nuk kam fjalë ta përshkruaj atë ndjesi”.
I pyetur se nga ngjan djali, ai është shprehur se ka tiparet e tij, të njëjtën gjë ia ka konfirmuar edhe bashkëshortja e tij.
“Të gjithë që e shikojnë, thonë se më ngjan shumë. Tek pjesa e gojës i ngjan nënës, por pjesa sipër është kopje e imja. Edhe Almeda sa e mori në dorë ‘është kopja jote’ më tha. Do të shpërndajmë edhe foto së shpejti”, ka thënë Tolgahan.
