Florjan Binaj, si pjesë e njërës prej skuadrave të programit “Shiko kush luan”, në “Top Channel”, ka marrë pjesë në lojën “Ndaje ose haje”, ku duhet t’i përgjigjej një pyetjeje, ose nëse refuzonte, do të konsumonte njërin prej ushqimeve që ndodheshin në tryezë.
Teksa duhej ti përgjigjej pyetjes; “emri i një vajze që të ka pëlqyer/ ke dashur shumë”, aktori preferoi që të mos zbulonte emër, por të rrëfente historinë që kishte përjetuar me një vajzë.
Ai tregoi se si dy të rinjtë kishin nisur shikimet me sy, dhe pëlqimet e madje edhe ato dhurarat e vogla ndaj njëri-tjetrit, por kjo histori nuk do të zgjaste shumë. Më 14 shkurt, aktori kishte blerë një arush të madh për t’ia dhuruar të dashurës së tij, dhe e kishin lënë të takoheshin te kodrat e Liqenit. Por me të mbërritur atje, kishte parë se vajzën që pëlqente, ishte duke u puthur me një djalë tjetër.
