Aktori mjaft i dashur i telenovelave turke, Barış Arduç është me origjinë shqiptare. Këtë e ka konfirmuar drejtori i programacionit në Tv Klan, Albert Dumani, ku në emisionin “Rudina” zbuloi disa detaje të pa thëna më parë. Barış Arduç është aktori kryesor në serialin “Kuzgun”.
Për 20 vjet me radhë, një fëmijë jetim i braktisur dhe i rrëmbyer i mbijeton dhimbjes dhe traumës duke u stërvitur për të qenë një shpatë e fortë hakmarrje.“Kuzgun” (Korbi) ka një plan për të marrë hak ndaj atij, që tradhëtoi babain e tij deri në momentin kur përballet me Dilën, dashurinë e tij të parë.
Dumani tha ndër të tjera se aktori kryesor e ka pranuar se është me origjinë shqiptare. “Gjyshërit e tij janë shpërngulur në Zvicër, dhe ai e ka pranuar që është me origjinë shqiptare. Neve na pëlqen të themi që janë me origjinë shqiptare, se janë shumë të suksesshëm”.
