Në prill të këtij viti, aktori i ‘Portokalli’-së, Marin Orhanasi u bë sërish baba, e ndërsa erdhi në jetë një djalë. Teksa ka qenë i ftuar në emisionin e mëngjesit, ‘Rreze Dielli’, aktori i humorit ka rrëfyer për emocionet e para gjatë pritjes së bebushit Ueis.
Dhe duket se nga pritja e ëmbël, ai kishte ngatërruar të shoqen në maternitet, duke u futur në sallën e gabuar. Ai ka pranuar se ka qenë i pranishëm në sallën e lindjes, dhe ishte ndjesi e veçantë.
“Ndodhën shumë lindje në të njëjtën kohë, dhe dalloheshin vetëm nga të bërtiturat. Zot fali gratë se çfarë heqin nga ne, nuk di çfarë të them. Vesha pajisjet e sterilitetit dhe hyja herë pas here. Nusen time e nisën tek salla e vështirësisë dhe e kaluan tek një më e lehtë më vonë, se falë Zotit lindi mirë. Ndërkohë që unë isha ulur tek kolltuqet e pritjes, ajo kaloi tek salla e tretë. Unë shkova tek e dyta dhe i thoja: Jepi, forca pra! Aty pash një vajzë tjetër, ndërsa burri i saj më rrinte nga pas”.
“Unë e mora djalin në krahë i pari, sepse arrita fiks në momentin që doli dhe ia çova gruas. Mu hiq sysh tani, më tha! Të shohësh aq shumë njerëz që lëvizin për një njeri, për një qënie aq të vogël, është e mrekullueshme”, përfundoi ai.
