Tashmë janë bërë plot 10 vite nga dita që aktori Elvis Pupa u largua nga emisioni i humorit “Portokalli”, për t’u shpërngulur në SHBA. Ndonëse u rikthye në Shqipëri, ai zgjodhi të ishte pjesë e “Digitalb”, me një emision të ri humori.
Thashethemet e fundit flisnin se aktori do të rikthehej sërish në “Portokalli”. Për të qartësuar vetë këto zëra, ai konfirmon se nuk ka planifikuar të angazhohet me asnjë projekt artistik për momentin.
“Po më urojnë shumë miq në lidhje me një lajm që po qarkullon në internet, se do të rikthehem në “Portokalli”. Faleminderit për dashamirësinë, por unë ndodhem ne U.S.A, dhe nuk planifikoj të merrem me asnjë projekt artistik për momentin.
I uroj çdo show-u suksese dhe ju bëj me dije se në të ardhmen, do më shihni vetëm në projektet e mia PERSONALE!”, shkruan ai në Instagram.
