Mediat kanë publikuar video dhe foto nga laboratori i drogës së zbuluar sot në Has. Por, nga ana e policisë ende nuk ka një reagim zyrtar.
Policia duket së është e frikësuar për të dhënat që kanë dalë në media. Sipas saj operacioni nuk ka përfunduar ende dhe u kërkon mediave të jetë në matura në raportime.
Sipas bluve, duhet të mos cenohet siguria e oficerëve të policisë të përfshirë në aksion. Blutë i tremben mundësisë së hakmarrjes nga ana e anëtarëve të grupit. Nuk dihet ende se pse ky operacion po mbahet kaq sekret.
Ndërsa media ka publikuar detaje të shumta nga aksioni. Kush e drejtonte rrjetin? Sa sasi droge u sekuestrua? Sa kohë ka që funksionon ky laborator? Janë këta pyetje të cilat policia do t’u janë përgjigje në vijim. Por, për momenti autoritetet janë të shqetësuara për ruajtjen e sekretit.
Policia e Shtetit, në njoftimin e fundit shkruante:
“Per shkak se operacioni i Policise se Kukesit per goditjen e rrjetit te implikuar ne ngritjen e nje laboratori droge, nuk eshte perfunduar ende, dhe per te mbrojtur e mos cenuar sigurine e efektiveve te Policise te perfshire ne aksion, i kerkojme medias te jete e matur ne raportime.
Siç kemi njoftuar me heret, ne ditet ne vijim, Policia, Prokuroria dhe agjencite e tjera ligj zbatuese do te kene nje dalje te perbashket per te bere publike detaje nga operacioni”.
Ndërsa i vetmi njoftim që ka shpërndarë për media deri më tani lidhur me operacionin është:
Drejtoria Vendore e Policise Kukes ne bashkepunim me agjencite e tjera ligjzbatuese dhe nen drejtimin e Prokurorise se Rrethit Gjyqesor Kukes kane zhvilluar nje operacion antidroge ku eshte zbuluar nje objekt qe dyshohet se perdorej per perpunim te drogave te forta.
Per detaje te operacionit Policia e Shtetit, Prokuroria dhe agjencite ligj zbatuese ne ditet ne vijim do te kene nje konference te perbashket per mediat per operacionin qe zhvillohet ne qarkun e Kukesit./TIRANA TODAY/
