Aksioni opozitar/ Basha ndan detyrat në PD, ja 24 koordinatorët

Në kuadër të aksionit opozitar, kreu i PD-së, Lulzim Basha, ka bërë disa ndryshime sa i takon koordinatorëve të partisë.

Gazment Bardhi është caktuar kështu koordinator në Shkodër duke zëvendësuar Flamur Nokën, i cili është zhvendosur si koordinator në Elbasan. Mësohet gjithashtu se Basha ka kërkuar që deri në 31 gusht, një grup i posaçëm pune të monitorojë përmbushjen e disa detyrave organizative nga strukturat lokale.

Njoftimi i Partisë Demokratike:

Partia do të përfundojë në mënyrë kapilare organizimin e strukturave të saj në të gjithë Shqipërinë.

Kryetari Basha ka caktuar afate të qarta për detyrat e caktuara. Psh, deri në datën 20 korrik degët duhet të bëjnë kalendarin e punës deri në 31 gusht, që është afati maksimal për kryerjen detyrave dhe monitorimin e tyre nga grupi i punës.

Ky grup pune përbëhet nga 24 koordinatorë, që mbulojnë 70 degët e Partisë Demokratike. Koordinatori ka për detyrë të ndjekë të gjithë procesin e përmbushjes së detyrave, sipas urdhrit të Bashës, dhe përgjigjet për veprimtarinë e tij përpara Kryetarit të Partisë.

Për të qenë sa më efektiv, ky grup ka në përbërje individë që nuk kanë konflikt interesi me degët, pra, nuk janë deputetë aty, apo nuk kanë qenë të deleguar në nivel qarku për organizimin e partisë dhe më pas të protestave.

Nga urdhri i Kryetarit të PD bie në sy porosia, që gjatë procesit të plotësimit të strukturave drejtuese të PD në çdo degë, të afrohen personat me kontribute historike në parti, duke e kombinuar me afrimin e grave dhe të rinjve.

GRUPI I PUNËS PËR KOORDINIMIN E VEPRIMTARISË ORGANIZATIVE NË NIVEL QARKU

Nr. QARKU KOORDINATOR

RAJONI TIRANA 1

(Degët 1, 2, 3) HEKURAN HOXHALLI

RAJONI TIRANA 2

(Degët 4, 5, 12) ALBANA VOKSHI

RAJONI TIRANA 3

(Degët 6, 7, 8) ALDO BUMÇI

RAJONI TIRANA 4

(Degët 9, 10, 11) ORJOLA PAMPURI

RAJONI TIRANA 5

(Degët 14, 15, 16) EDMOND SPAHO