Policia e Shtetit me mbështetjen e repartit Renea zhvilloi sot një operacion në qytetin e Shkodrës, pas krimeve të bujshme që tronditën opinionin publik.
Disa persona kanë përfunduar në pranga të dyshuar për ngjarjet kriminale të ndodhura gjatë muajve të fundit.
Sipas burimeve konfirmohet arrestimi i katër personave të dyshuar deri në orët e mbrëmjes.
Prokuroria e Shkodrës kërkoi autorizim në gjykatë për kontrolle banesash dhe automjetesh.
Pas marrjes së këtij autorizimi, prokuroria urdhëroi policinë për kryerjen e kontrolleve në banesat e anëtarëve të familjeve Licaj dhe Bajra.
Pas ngjarjeve të rënda, prokuroria ngriti një grup të posaçëm hetimor për zbardhjen e tyre.
