Kombëtarja shqiptare e femrave është duke u përballur me Skocinë në Shkodër në “Loro Boriçi”, ndeshje e vlefshme për grupin 2 eliminator, të Botërorit për Femra.
Pjesa e parë, është mbyllur në barazim 1-1. Në përgjithësi, loja ka qenë e dominuar nga skocezet, të cilat zhbllokuan edhe rezultatin, ku kaluan në avantazh që në minutën e 9-të, me Litëll. Më pas, ato patën edhe disa mundësi të tjera të mira, por portierja Rexhepi ia doli të ishte në lartësinë e detyrës.
Teksa po vinte fundi i pjesës së parë, një gol fantastik i Megi Doçit, në hyrjen e zonës, pas asistit të Morinës, solli edhe barazimin e shifrave për skuadrën e femrave të Armir Grimës.
