Një aksident tragjik i mori jetën sot një gruaje shtatzënë, e cila priste vetëm dy muaj për të sjellë në jetë foshnjen e saj. Aksidenti i cili rezuloi me një bilanc negativ, me shumë të plagosur e një të vdekur, ndodhi në aksin Fier-Levan.
https://tiranatoday.com/aksident-i-rende-ne-aksin-levan-fier-kater-te-plagosur-dyshohet-per-nje-te-vdekur/
Majlinda Troka humbi jetën, ndërsa fëmija e të ndjerës ndodhet në gjëndje të rëndë. Mjeti me të cilin udhëtonte Majlinda, një “Audi”, drejtohet nga shtetasi Astrit Troka, vjehrri i të resë, i cili u përplas me një “Benz”. Nga hetimet paraprake, dyshohet që mjeti tip “Benz” të jetë futur në parakalim.
Astrit Troka po shoqëronte nusen e djalit dhe fëmijën e saj drejt qytetit të Fierit, në momentin kur ka ndodhur edhe aksidenti fatal, bën me dije “Shqiptarja.com”.
Të plagosurit e tjerë raportohet të jenë transportuar në spitalin Rajonal të Fierit, ku edhe po marrin ndihmën e parë mjekësore.
Njoftimi i policisë:
“Në datën 21.08.2018, ora 11.30, në aksin rrugor Fier – Levan, në vendin e quajtur “Liqeni”, janë përplasur mjetet tip “Audi” me drejtues shtetasin A.T me mjetin tip “Benz”, me drejtues shtetasin L.T.
Si pasojë e përplasjes, ka ndërruar jetë shtetasja M.T., e cila ndodhej pasagjere në mjetin tip “Audi”, si edhe është plagosur një fëmijë i mitur, pasagjer po në mjetin tip “Audi”.
Grupi hetimor po punon për zbardhjen e plotë të kësaj ngjarje”.
