Endrit Thaçi, djali i presidentit të Kosovës, Hashim Thaçi, është përfshirë në një aksident rrugor mëngjesin e sotëm.
Sipas policisë, aksidenti është regjistruar në rrugën Prishtinë-Ferizaj, ku tre automjete janë përplasur me njëra-tjetrën.
“Sot në ora 05:25 në rrugën Prishtinë – Ferizaj, te rreth rrotullimi afër Stacionit Policor Jugu, ka ndodhur një aksident në mes të tri automjeteve. Si pasojë e aksidentit një person është lënduar. Me rastin po merret njësiti i trafikut”, u shpreh zëdhënësja e PK-së, Flora Ahmeti.
Mediat kosovare bëjnë me dije se Endrit Thaçi është në gjendje të mirë shëndetësore. Ai është nxjerrë nga spitali menjëherë pas trajtimit mjekësor të marrë në QKUK.
