Një autobus nga Kosova është aksidentuar në Austri. Sipas burimeve, ngjarja ka ndodhur rreth orës 03:00 të mëngjesit, në Salburg. Mediat raportojnë për tre persona të plagosur rëndë dhe 16 persona të lënduar. Aksidenti ka ndodhur pak pas orës 03:00.
“Ne u lajmëruam në orën 03:08 dhe autobusi kishte 28 persona. Në aksident mbetën të plagosur rëndë 3 persona dhe 16 të lënduar lehtë, 9 persona mbetën të palënduar. Nga 3 të plagosurit rëndë, 3 janë dërguar në spitalet e Salzburgut”, ka thënë për mediat rajonale të Salzburgut, Hermann Gerstgraser, komandanti i autoritetit të shpëtimit të qarkut të Flachgau.
Siç kanë bërë të ditur autoritetet policore, autobusi ishte nisur nga Kosova për në Hanover të Gjermanisë.
Autobusi i kompanisë “Armendi Tours” është aksidentuar në orët e para të mëngjesit në Salzburg të Austrisë.
“Autobusi eshte nisur me daten 18/05/2022 nga Kosova ne oret e mengjesit. Në udhëtim kanë qenë 3 shoferë. Aksidenti ka ndodhur ne Austri/Salzburg. Pasagjerët janë me lendime të lehta dhe asnjë në rrezik për jetën” ka thënë një zyrtar i “Armendi Tours” për Indeksonline.
