7 persona kanë gjetur vdekjen dhe 3 të tjerë janë plagosur, si pasojë e një aksidenti të rëndë, në New Hampshire, SHBA. Sipas mediave amerikane, viktimat ishin motoçiklistë të cilët u aksidentuan nga një kamion “Dodge”, i cili ndodhej në kahun tjetër të rrugës.
Policia amerikane po heton rrëzimin dhe po përpiqen të rindërtojnë ngjarjen.
Miranda Thompson, një dëshmitare e ngjarjes, ishte vetëm disa makina pas aksidentit. Ajo tha për CNN, se ajo pa “motorë të shpërndarë në të gjithë rrugën”.
“Të gjithë dolën nga makina e tyre dhe ndihmuan, morën batanije dhe kuti të ndihmës së parë. Të gjithë u vunë në veprim dhe thjesht ndihmuan”, shprehet dëshmitarja.
Sipas autoriteteve, ata morën një telefonatë rreth orës 6:30 të mëngjesit, të premten, në lidhje me një aksident me makinë në “Rrugën 2” në Randolph, New Hampshire.
Fotot e motorëve të shkatërruar në mes të rrugës u përhapën me shpejtësi në internet.
