Përplasja me makinë e cila shkaktoi vdekjen e Princeshë Dianës. Ky është motivi që do të ketë muzeu, i cili do të hapet sot në Pigeon Forge të Tennessee si një atraksion publik për njerëzit.
Vizitorët do duhet të paguajnë deri në 20 paund për të parë një ri-ndërtim të aksidentit. Fëmijët gjithashtu do lejohen të hyjnë brenda.
Madje vizitorëve do iu bëhet një anketë, ku pasi të shohin ‘aksidentin’ ata do të pyeten në qoftë se mendojnë se familja mbretërore ka pasur gisht në këtë ngjarje apo jo, si dhe pyetje të tjera, të tilla si nëse mendojnë se princesha ishte shtatzënë etj.
Kjo iniciativë është marrë nga pronarët e gazetës së famshme amerikane, National Enquirer. Shumë debate dhe polemika janë ngritur për sa i përket mënyrës se si do të prezantohet kjo ‘shfaqje’.
“Nuk ka gjak, nuk ka asgjë të tillë. Ju do e shihni të gjithën në një version të animuar me kompjuter,” – janë shprehur pronarët për Daily Beast website.
Ndërkohë një pamje 3D e projektit po qarkullon online./ Përshtati Tirana Today
