Një aksident i rëndë ka ndodhur gjatë pasdites së sotme në rrugën Lushnjë-Berat, ku dy mjete janë përplasur pranë një kthese, duke lënë 4 persona të plagosur.
Shkak i këtij aksidenti dyshohet të ketë qenë shpejtësia tejet normave të lejuara, teksa të plagosurit janë dërguar menjëherë në spitalin rajonal të Lushnjës.
Njëri prej të plagosurve ndodhej në gjendje të rëndë dhe kishte mbetur në makinë, ku pas disa përpjekjesh nga forcat zjarrfikëse, është bërë e mundur nxjerrja e tij nga makina.
Ai është nisur më vonë drejt spitali të Traumës në Tiranë, ku edhe mësohet të jetë në gjendje kritike për jetën.
