Si pasojë e aksidenteve të rënda në Kosovë, 5 persona kanë ndërruar jetë dhe 16 të tjerë kanë mbetur të plagosur. Në magjistralen Gjilan– Ferizaj përkatësisht në fshatin Budrika e Epërme ka ndodhur një aksident dhe për pasojë mbetën të vdekur në vend 2 persona dhe dy të tjerë u plagosën.
Ndërkohë 2 persona të tjerë ndërruan jetë në një aksident në autostradën “Ibrahim Rugova”, afër fshatit Peqan të Suharekës dhe 4 persona mbetën të lënduar.
Edhe katër persona tjerë kanë mbetur të lënduar nga një aksident në fshatin Zallq të Istogut. Po ashtu janë regjistruar dhe aksidente të tjera, duke formësuar kështu bilancin: 5 të vdekur dhe 16 të plagosur brenda një ditë të vetme në Kosovë.
