Një kamion i ngarkuar me dru ka dalë nga rruga duke u përmbysur, dhe për pasojë ka zënë poshtë një person, i cili ka ndërruar jetë. Aksidenti tragjik ka ndodhur sot në fshatin Dushar të njësisë administrative Lozhan, në Maliq.
Kamioni i cili ishte i ngarkuar me dru është përmbysur në mes të rrugës, duke zënë poshtë 38-vjeçarin, Marsel Nazifin. I ndjeri ishte Drejtor i Pyjores në Maliq.
Burimet paraprake bëjnë me dije se viktima ka qënë i shoqëruar me 4 persona të tjerë, për të cilët ende nuk dihet gjendja shëndetësore e tyre.
Trupi i pajetë i 38-vjeçarit është nxjerrë nga banorët e zonës.
