Për fat të keq, ka shkuar në katër numri i viktimave nga aksidenti në Vlorë. Policia njoftoi paraprakisht se bëhej fjalë për tre të vdekur të së njëjtës familje, e ndërsa është shtuar tashmë bilanci tragjik.
Katër persona, prej të cilëve dy të rritur dhe dy fëmijë kanë ndërruar jetë si pasojë e një aksidenti në autostradën Fier-Vlorë, në vendin e quajtur “Kripa”.
Burimet bëjnë me dije se ka ndërruar jetë personi i katërt që po udhëtonte me automjetin tip “Toyota”. Ndërkohë që kanë mbetur të plagosur drejtuesi dhe pasagjeri i “Audit”. Si pasojë e përplasjes së fortë, dy makinat kanë dalë nga rruga.
Një makinë tip “Audi” e cila ka qenë duke udhëtuar me shpejtësi në drejtim të Vlorës, dyshohet se ka goditur nga pas një makinë tip “Toyota”, dhe për pasojë të dyja kanë dalë nga rruga dhe kanë përfunduar në kanal. Në makinën tip “Toyota” e cila është shkatërruar plotësisht, kanë humbur jetën katër persona, mes tyre dhe dy fëmijë mitur dhe janë anëtarë të së njëjtës familje. Ndërkohë që në makinën tip “Audi”, kanë mbetur të plagosur drejtuesi i mjetit dhe pasagjeri, dhe një tjetër të cilët janë dërguar me urgjencë në spital.
Katër anëtarë të një familje, prindërit dhe dy fëmijët kanë humbur jetën si pasojë e aksidentit që ndodhi mëngjesin e sotëm në aksin Fier-Vlorë.
Në vendngjarje ndodhet grupi hetimor, i cili po kryen veprimet e mëtejshme për sqarimin e rrethanave të aksidentit, identifikimin e viktimave dhe të personave të plagosur.
