Një 21-vjeçare ka humbur jetën ditën e sotme si pasojë e përplasjes nga një makinë në aksin rrugor Korçë-Maliq.
Viktima identifikohet me inicialet S.Xh., banuese në Leminot. Duke iu referuar njoftimit të policisë, e reja po kalonte rrugën pranë fshatit Vloçisht, teksa u përplas për vdekje nga një 73-vjeçar grek. Dyshohet se automjeti që e përplasi të ketë qenë me shpejtësi.
Drejtuesi i mjetit është shoqëruar nga Policia, për kryerjen e veprimeve të mëtejshme procedurale.
Maliq/Informacion paraprak
Në rrugën Korçë-Maliq, pranë fshatit Vloçisht, shtetasi grek P.B, 73 vjeç, banues në Greqi, duke drejtuar një mjet tip “Toyota”, ka aksidentuar shtetasen S.Xh, rreth 21 vjeçe, banuese në Leminot, këmbësore në rrugë, e cila për pasojë ka gjetur vdekjen.
Drejtuesi i mjetit është shoqëruar nga Policia, për kryerjen e veprimeve të mëtejshme proceduriale.
Grupi hetimor po punon për zbardhjen e rrethanave të ngjarjes.
