Një aksident i rëndë më pasojë vdekjen ka ndodhur orët e para të mëngjesit të ditës së sotme në Divjakë.
Duke iu referuar njoftimit të policisë, viktima identifikohet me iniciale A.M., 57 vjeç, i cili teksa ka qenë duke drejtuar automjetin, ka humbur kontrollin dhe ka dalë nga rruga.
Po ashtu i lënduar ka mbetur edhe djali i tij, i cili ndodhet në Spitalin e Lushnjës.
Informacion paraprak:
Sot rreth orës 05:30, në vendin e quajtur “Tre urat” Çermë Sektor, shtetasi A.M, 57 vjeç, duke drejtuar mjetin tip “Ford” ka dalë nga rruga.
Për pasojë ka gjetur vdekjen në vend drejtuesi i mjetit dhe është dëmtuar djali i tij shtetasi Rr.M, i cili ndodhet në Spitalin e Lushnjes nën kujdesin e mjekëve. Grupi hetimor po punon për zbardhjen e shkakut të daljes së mjetit nga rruga.
