Një aksident i rëndë ka ndodhur orët e vona të mbrëmjes së të mërkurës. Ngjarja ndodhi rreth orës 23:30 në autostradën Durrës-Tiranë, pa shkuar në Maminas. Një makinë Benz me targa AA 060 SP është përplasur me mjetin taksi me targa DR 475 TX.
Për pasojë kanë ndërruar jetë drejtuesi i taksisë, Bujar Agalliu 60 vjeç, banues në Durrës dhe pasagjerja e tij Elena Abdillari 23 vjeçe, banuese në Tiranë.
Nga veprimet paraprake dyshohet se mjeti Benz e ka përplasur nga mbrapa taksinë dhe kjo e fundit për të devijuar është futur në një karburant. Në makinën Benz nuk është gjetur asnjë person. Në vendngjarje shkuan efektivët e policisë, të cilët po punojnë për gjetjen e drejtuesit të mjetit Benz dhe zbardhjen e rrethanave të ngjarjes.
Ndërsa, mësohet se e reja Elena Avdillari, banuese në Tiranë, por me origjinë nga Korça, po kthehej nga porti i Durrësit.
Ajo do të nisej me traget drejt Italisë, por për shkak të dokumentacioneve të munguara, uniformat blu në port e kishin kthyer mbrapsht. Kështu, ajo mori taksinë për t’u kthyer në Kombinat ku edhe kishte banesën, por fatkeqësisht nuk arriti dot të shkonte më kurrë. Një aksident fatal i mori jetën asaj dhe taksistit nga Durrësi, Bujar Agalliu 60 vjeç. TIRANA TODAY
