Një aksident është regjistruar mbrëmjen e sotme pranë mbikalimit të Rinasit.
Sipas policisë, dy makina janë përplasur dhe si pasojë janë plagosur dy pasagjerë, që ndodheshin në njërin prej automjeteve.
Njoftimi i policisë:
Me datë 19.08.2020, rreth orës 20:20, në afërsi të Mbikalimit të Rinasit, janë përfshirë në aksident mjeti me drejtues shtetasin E.S me mjetin me drejtues shtetasin S.K. Si pasojë e aksidentit janë dëmtuar dy pasagjerë në mjetin me drejtues E.S., të cilët u dërguan në spital, dhe ndodhen nën kujdesin e mjekëve.
Grupi hetimor dhe shërbimet e Policisë ndodhen në vendngjarje dhe vijojnë punën për zbardhjen e plotë të rrethanave të ngjarjes.
