Një aksident ka ndodhur sot në Vlorë, ku për pasojë një person ka marrë plagë në trup dhe kokë. Drejtuesi i një motoçiklete mbeti i plagosur pasditen e sotme në Vlorë, ndërsa është përplasur me një automjet në rrugën Transballkanike.
Drejtuesi i mjetit, identiteti i të cilit ende nuk bëhet me dije, është transportuar me urgjencë në spitalin e Vlorës për marrjen e ndihmës mjekësore. Burime nga spitali bëjnë me dije se i plagosuri ndodhet jashtë rrezikut për jetën. Policia ka shoqëruar në komisariat drejtuesin e automjetit tip “Nissan” me targa AA 768 EU, raporton faqja “Harta Digitale e Aksidenteve Rrugore”. Po kështu kanë nisur hetimet për zbardhjen e shkaqeve dhe rrethanave të aksidentit.
