Një aksident i rëndë me pasojë vdekjen është regjistruar mbrëmjen e sotme në fshatin Dedaj të Pukës.
Shtetasi i identifikuar me inicialet L.M, ka qenë duke lëvizur me motor teksa ka dalë nga rruga, ku si pasojë ka gjetur vdekjen.
”Më datë 22.01.2021 në rrugën e fshatit Dedaj, Njësia Administrative Qelëz, Pukë një motorçikletë me drejtues shtetasin L. M. 50 vjeç banues në fshatin Ukth, Pukë, ka humbur kontrollin, duke dalë nga rruga ku si pasojë ka gjetur vdekjen”, informon policia.
Menjëherë në vendngjarje ka mbërritur policia dhe shërbimi zjarrfikës.
Grupi hetimor po punon për zbardhjen e rrethanave të aksidentit.
