Një aksident me një të vdekur e një të plagosur ka ndodhur në rrethrrotullimin e Kolonjës, në autostradën Lushnje- Fier.
Policia njofton se një makinë tip “Land Rover” ka dalë nga rruga në aksin Fier-Lushnje, ku për pasojë ka mbetur viktimë 28-vjeçari M. R., që ishte pasagjer në mjet. Ndërsa 31-vjeçari me inicialet Z.H., ndodhet në Spitalin e Traumës Tiranë, nën kujdesin e mjekëve.
Lushnje/ Informacion paraprak:
Sot rreth orës 03:25, në aksin rrugor Fier –Lushnje, në fshatin Kolonjë, shtetasi Z.H, 31 vjeç, banues në Berat, duke drejtuar automjetin tip Land Rover ka dalë nga rruga.
Si pasojë e daljes nga rruga ka ndërruar jetë pasagjeri, shtetasi M.R, 28 vjeç, banues në Berat, dhe është dëmtuar drejtuesi i mjetit i cili ndodhet në Spitalin e Traumës Tiranë nën kujdesin e mjekëve.
Grupi hetimor po punon për zbardhjen e plotë të ngjarjes.
