Pesë persona janë plagosur mbrëmjen e kësaj të marte, si pasojë e një aksidenti rrugor të ndodhur në Korçë. Ngjarja ka ndodhur vetëm pak metra larg Pazarit të Vjetër të Korçës.
Sipas policisë, dy automjete janë përplasur me njëri-tjetrin pranë kryqëzimit të ish “NPV”. Për pasojë janë plagosur dy drejtuesit e makinave dhe tre pasagjerët e ndodhur në makinë.
Të gjithë personat e lënduar ndodhen në spital, nën kujdesin e mjekëve. Ata janë jashtë rrezikut për jetën.
Lajmin e ka përcjellë Harta Digitale e Aksidenteve Rrugore.
