Një aksident është regjistruar ditën e sotme në aksin rrugor Fier-Kraps, në vendin e quajtur Gjorgos.
Për pasojë, ka mbetur i plagosur drejtuesi i automjetit dhe pasagjerët. Bëhet fjalë për të rinjtë me iniciale A.A, AA dhe K.A respektivisht 14 dy prej tyre dhe një 15 vjeç.
Sipas informacioneve paraprake, adoleshenti me iniciale, A.A., duke drejtuar mjetin tip “Renault”, ka humbur kontrollin dhe ka dalë nga rruga.
Të plagosurit janë transportuar në Spitalin Rajonal Fier, të cilët ndodhen nën kujdesin e mjekëve.
Njoftimi i policisë:
Aksident automobilistik.
Tre të rinj të moshës 14 dhe 15 vjeç kanë qenë duke udhëtuar në aksin rrugor Fier-Kraps te vendi i quajtur Gjorgos kanë dalë nga rruga dhe si rezultat kanë rrëshqitur anës saj, duke përfunduar poshtë 10 metër.
Të tre të rinjtë janë dërguar në spitalin rajonal Fier dhe mjekët thonë se janë jashtë rrezikut për jetën. Njëri prej të rinjve ka marrë mjetin tip “Renault” pa dijeninë e të atit. Të rinjtë me iniciale A.A, AA dhe K.A respektivisht 14 dy prej tyre dhe një 15 vjeç.
