Një aksident është regjistruar pasditen e sotme në Durrës, si pasojë e të cilit janë plagosur dy persona.
Ngjarja është shënuar rreth orës 16:50. Një makinë përplasi një motor në fshatin në Pjezë në aksin Plepa-Ndroq, rruga e vjetër Durrës -Tiranë.
Drejtuesi i motorit dhe pasagjeri janë dërguar në spital dhe mësohet se ndodhen jashtë rrezikut për jetën. Ndërkohë, Policia ka nisur hetimet lidhur me rastin.
