Një aksident i rëndë automobilistik ka ndodhur mbrëmjen e sotme në Sukth të Durrësit, ku një automjet tip ”BMW” ka aksidentuar për vdekje një 72-vjeçare.
Drejtuesi i mjetit është shoqëruar në ambientet e policisë për veprime të mëtejshme.
”Më datë 09.06.2021, rreth orës 19:00, në Sukth, Durrës, shtetasi A. A., 20 vjeç, duke drejtuar mjetin tip “BMW”, ka aksidentuar këmbësoren, shtetasen N. L., 72 vjeçe, e cila për pasojë ka ndërruar jetë. Drejtuesi i mjetit eshte i pajisur me leje drejtimi, si dhe eshte shoqëruar në ambientet e Policisë për veprime të mëtejshme. Nga testi i kryer eshte konstatuar se nuk ka perdorur pije alkoolike.”, informon policia.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
