Një aksident i rëndë ka ndodhur në aksin rrugor Burrel-Klos, ku për pasojë kanë mbetur të lënduar 5 persona.
Raportohet se në aksident janë përfshirë automjetet me targa AA 460 CU dhe AA 208 AI, ndërsa, të lënduar kanë mbetur drejtuesit e dy mjeteve H.K e B.H si dhe tre pasagjerë.
Njoftimi i policisë: “Burrel/ Informacion paraprak; Shërbimet e Komisariatit të Policisë Mat, kanë marrë njoftim se në aksin rrugor Burrel-Klos, ka ndodhur një aksident rrugor, duke shkuar menjëherë në vendngjarje.
Nga veprimet paraprake të kryera ka rezultuar se janë përfshirë në aksident automjetet me targa AA 460 CU dhe AA 208 AI, dhe si pasojë janë dëmtuar drejtuesit e mjeteve shtetasi H. K., dhe shtetasja B.H, si dhe 3 pasagjer, të cilët ndodhen në spitalin e Burrelit, jashtë rrezikut për jetën. Grupi hetimor vijon hetimet për zbardhjen e shkaqeve të aksidentit”.
