Dy femra kanë mbetur të plagosura, pas një aksidenti të trefishtë sot tek Rrethi i Golemit në drejtim të Malit të Robit. Në aksident janë përfshirë 3 mjete, ku si pasojë e përplasjes është dëmtuar drejtuesja e mjetit M.D., dhe pasagjerja në mjetin e saj.
Ato janë dërguar me urgjencë në spital, dhe ndodhen nën kujdesin e bluzave të bardha. Nga ana e policisë, vijon puna për zbardhjen e plotë të rrethanave të ngjarjes.
Tiranë/Informacion paraprak
Më datë 31.08.2020, rreth orës 12:00, në aksin rrugor tek Rrethi i Golemit në drejtim të Malit të Robit, janë përfshirë në aksident 3 mjete me drejtues shtetasit R.R., J.L., dhe M.D. Si pasojë e përplasjes është dëmtuar drejtuesja e mjetit M.D., dhe pasagjerja në mjetin e saj, të cilat u dërguan menjëherë në spital, dhe ndodhen nën kujdesin e mjekëve.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e plotë të rrethanave të ngjarjes.
