Një aksident me pasojë jetën ka ndodhur në fshatin Pjetroshan, Malësi e Madhe, ku një mjet ka përplasur një 49-vjeçare. Ngjarja e rëndë është shënuar rreth orës 18:25. Burimet zyrtare konfirmojnë se ka humbur jetën shtetasja me inicialet A. Ç. 49 vjeçe, banuese në Koplik.
Njoftimi i policisë
Më datë 16.02.2020, rreth orës 18:25, në fshatin Pjetroshan, Malësi e Madhe, mjeti me drejtues shtetasin B. J. 51 vjeç, banues në Shkodër, ka aksidentuar shtetasen A. Ç. 49 vjeçe, banuese në Koplik, ku si pasojë ka ndërruar jetë.
Drejtuesi i mjetit është shoqëruar ne ambientet e D. V. P. Shkodër, për veprime të mëtejshme. Grupi hetimor vijon punën për sqarimin e rrethanave të aksidentit.
