Si pasojë e përplasjes së dy mjeteve mbrëmjen e djeshme, gjashtë persona kanë mbetur të plagosur.
Aksidenti ka ndodhur rreth orës 22:45, në aksin rrugor Ksamil-Sarandë, në vendin e quajtur “Baxho”.
“Në aksident janë perfshirë dy automjete, një tip Benz me targa AA 999 BL me drejtues Ledjon Haxhi, që po udhëtonte nga Saranda në drejtim te Ksamilit, dhe një automjet tjetër tip Shervolet, me targa AA 447 EO, me drejtues shtetasin Edmond Likometi, që ishte nisur në drejtim të Sarandës”, njofton policia.
Uniformat blu kanë nisur hetimet, për zbardhjen e rrethanave të aksidentit.
