Një aksident i rëndë është regjistruar sot në rrugën nacionale Memaliaj-Krahës.
Policia bën me dije se në afërsi të fshatit Toç, automjeti i drejtuar nga një 65-vjeçar ka përplasur një 23-vjeçar, i cili ka ndërruar jetë si pasojë e plagëve të rënda.
65-vjeçari është shoqëruar në polici për sqarimin e rrethanave të plota të ngjarjes së rëndë.
Njoftimi i policisë:
Memaliaj/ Informacion paraprak.
Në rrugën nacionale Memaliaj-Krahës, në afërsi të fshatit Toç, automjeti me drejtues shtetasin K. M., 65 vjeç, banues në Gjirokastër ka goditur këmbësorin E. C., rreth 23 vjeç, banues në fshatin Anëvjos, Memaliaj.
Për pasojë ka humbur jetën shtetasi E. C.
Drejtuesi i automjetit shtetasi K. M., është shoqëruar për në ambjentet e DVP Gjirokastër.
Në vendngjarje shkoi grupi hetimor dhe po punon për zbardhjen e plotë të ngjarjes.
