Tre mjete janë përplasur me njëra-tjetrën në Elbasan, e fatmirësisht nuk raportohet për të lënduar. Tri automjete janë përfshirë në një aksident gjatë pasdites së sotme, pranë godinës së Gjykatës së Rrethit Gjyqësor të Elbasanit, në lagjen “5 Maji”.
Dy nga tre automjetet e përfshira në aksident, po qarkullonin me shpejtësi dhe gjatë parakalimit janë përplasur mes tyre. Gjithashtu automjetet janë përplasur edhe me një makinë të tretë.
Nga hetimet paraprake, bëhet me dije se dy nga mjetet e përfshira në aksident, kanë pësuar dëme të shumta materiale. Policia dhe grupi hetimor ndodhet në vendin e ngjarjes, dhe po punojnë për sqarimin e rastit.
