Dy vëllezër, 15 dhe 13-vjeç, kanë humbur jetën si pasojë e një aksidenti të rëndë të ndodhur mbrëmë në Durrës. 15-vjeçari me inicialet F. K., ndërroi jetë në vendngjarje, e ndërsa sot ka humbur jetën në spital edhe 13-vjeçari.
Aksidenti ndodhi rreth orës 22:55, në lagjen Nr.14, ku një automjet përplasi një çiklomotor që drejtohej nga i ati i tyre.
15-vjeçari ndërroi jetë në vendin e ngjarjes, ndërsa i mituri tjetër me inicialet D.H., u dërgua në gjendje të rëndë në spital. Për fat të keq, 13-vjeçari nuk ka mundur t’i mbijetojë plagëve të marra.
Grupi hetimor ndodhet në vendngjarje, dhe po punon për sqarimin e rrethanave të aksidentit.
