Një aksident i rëndë automobilistik ka ndodhur pasditen e sotme në aksin Milot-Rrëshen, ku 4 persona kanë ndërruar jetë.
Sipas të dhënave policore, se një automjet tip ”Citroen” është përplasur me një kamion. Mësohet se viktimat janë pjesëtarë të një familje që po udhëtonin nga Kosova.
Mes të plagosurve është dhe një fëmijë i mitur i cili është transportuar në spitalin e Traumës në Tiranë.
”Në aksin rrugor Milot-Morinë, në afërsi të një karburanti në Rreshen, mjeti tip “Citroen” me të cilin udhëtonte një familje kosovare është përplasur me mjetin tip kamion me drejtues shtetasin I.I.,banues në Kosovë. Për pasojë kanë humbur jetën drejtuesi i mjetit tip “Citroen” , bashkëshortja e tij dhe 2 fëmijët dhe është plagosur fëmija i mitur, i cili është transportuar në spitalin e Traumës Tiranë.”, informon policia.
Shkak i aksidentit dyshohet se ka qenë parakalimi i gabuar nga makina ‘Citroen’ me të cilën po udhëtonte familja nga Kosova dhe shpejtësia e lartë. Kjo ka bërë që ata të përplasen me kamionin, duke u marrë edhe jetën 4 anëtarëve të familjes dhe lënë të plagosur rëndë fëmijën e mitur.
Grupi hetimor ndodhet në vendngjarje punon për sqarimin e plotë të shkakut dhe rrethanave të ngjarjes.
