Në startin e Çmimit të Madh të Belgjikës ka ndodhur një aksident i “tmerrshëm”, ku janë përfshirë disa makina. Tre makina u dëmtuan keq që në pjesën e parë, ndërsa ka pasur dëmtime edhe për makina të tjera.
Pasi u fikën dritat e kuqe, makina Renault e Leclerc nuk arrin të frenojë si duhet në kthesën e parë, duke goditur nga pas spanjolli e McLaren, Fernando Alonso. Ky i fundit humbet kontrollin e makinës, që fluturon me njëvendëshen e Nico Hulkenberg.
Makina e Alonsos shkatërrohet totalisht dhe bën një fluturim të frikshëm mbi makinën e Nico Hulkenberg, por për fat të mirë pilotët nuk janë dëmtuar. Makina e sigurisë qëndroi për 4 xhiro në pistë dhe u largua, ndërkohë që në krye të garës ndodhet Sebastian Vettel, që kreu një parakalim model në dëm të Leëis Hamilton në kthesën e dytë.
Edhe Red Bulli i Ricardos pësoi disa dëmtime, por stafi ndërhyri menjëherë dhe e riktheu në pistë, ndërsa Raikkonen dëmton gomën e djathtë të pasme dhe makina pëson disa dëmtime duke bërë që të lëri garën.
