Në aksin rrugor Elbasan-Librazhd ka ndodhur aksident automobilistik në të cilin ka humbur jetën një kalimtar.
Në vendin e quajtur Labinot Fushë, një automjet tip kamion me targa BT631DM, ka përplasur për vdekje shtetasin Agron Murati, 37 vjeç, banues në fshatin Griqan në Elbasan, i cili ka ndërruar jetë si pasojë e përplasjes. Kamioni drejtohej nga shtetasi D.S, 26 vjeç banues në Maqedoni.
Drejtuesi i mjetit është shoqëruar në Komisariatin e policisë Elbasan për veprime të mëtejshme.
Njoftimi i policisë: kamioni
Më datë 03.12.2017 në aksin rrugor Elbasan-Librazhd në fshatin Labinot Fushë shtetasi D.S., 26 vjeç banues në Maqedoni duke drejtuar mjetin tip Kamion me targa BT631DM ka aksidentuar këmbësorin, shtetasin A.M., 37 vjeç banues në fshatin Griqan Elbasan i cili ka ndërruar jetë. Drejtuesi i mjetit është shoqëruar në Komisariatin e policisë Elbasan për veprime të mëtejshme.
Grupi hetimor ndodhet në vendngjarje, po kryen veprimet proçeduriale dhe punon për përcaktimin e shkaqeve të aksidentit.
