Presidenti i SHBA, Donald Trump, ka emëruar Amy Coney Barrett, një grua konservatore për të qenë anëtare e re e Gjykatës së Lartë. Trump e përshkroi si një “grua me arritje të pashembullt”.
Nëse emërimi i saj konfirmohet nga Senati, Barrett, një katolike konservatore, do të zërë vendin e ikonës liberale Ruth Bader Ginsburg, e cila ka ndërruar jetë ditët e fundit.
Seanca dëgjimore e Barrett para Komitetit të Drejtësisë të Senatit pritet të jetë më 12 tetor.
“Kushtetuta e Shteteve të Bashkuara u krijua për t’u dhënë votuesve një shans, për të dëgjuar zërin e tyre se kush shërben në Gjykatë. Ai moment është tani dhe zëri i tyre duhet të dëgjohet”, tha Trump.
Nëse gjyqtarja Barrett konfirmohet, gjyqtarët me prirje konservatore do të mbajnë shumicën 6-3 në Gjykatën e Lartë.
Gjyqtarja e nominuar nga Trump është nënë e shtatë fëmijëve. Ajo është shprehur kundër abortit dhe kundër martesave gay.
Gjykata Supreme në SHBA është e një rëndësie të veçantë, për shkak se me vendimet e saj mund të formësojnë politikën publike për gjithçka, nga armët dhe të drejtat e votës, deri tek aborti dhe financimi i fushatës.
