Pak ditë më parë, mediat e huaja shkruajtën pafundësisht për Meghan Markle, lidhur me dhënien fund të martesës së saj të parë. Jeta e saj ndryshoi sa hap e mbyll sytë, e ndërsa tashmë jeton në një pallat mbretëror.
Dukesha më herët ka qenë e martuar me producentin Trevor Engelson. Së fundmi, një dokumentar i Channel 5 ka zbuluar arsyet se pse çifti i dha fund marrëdhënies pas 9 vitesh së bashku.
Sipas korrespodentit mbretëror, Ashley Pierson, ishte karriera e Meghan ajo që solli fundin e martesës mes saj dhe Trevor. Kur Meghan u bë pjesë e ‘Suits’, asaj i duhej të udhëtonte dhe ishte gjithë kohën larg Trevor-it.
Mirëpo ajo që bëri Meghan më pas, duke i kthyer unazën e martesës me postë, ka irrituar keq anglezët. Një mori komentesh negative kanë ardhur në adresë të saj. Qytetarët kanë shpërthyer në një revoltë të hapur ndaj saj, madje duke e cilësuar edhe si një frikacake dhe të paskrupullt.
”Ajo është një frikacake dhe e paskrupullt”, “Kjo është shumë e shëmtuar, nuk mund t’i kthesh unazën ish-bashkëshortit në këtë mënyrë”, “Oportuniste, ti nuk do të jesh kurrë mbretëreshë”, etj, janë disa prej komenteve që i janë drejtuar mamasë së re.
