Prestigjiozja britanike “The Guardian”, i ka kushtuan një artikull të gjatë viktimave shqiptare që kanë rënë pre e trafikimit nga bandat mafioze. Ajo është ndalur tek historia e Silvana Beqirajt, e cila u gjet e vrarë 4 vjet më parë në Francë. Policia franceze fillimisht supozonte se ajo ishte mbytur. Nuk kishte shenja lëndimi, por ajo ishte tërësisht e zhveshur dhe për këtë shkak hetuesit dyshonin për një vrasje të mundshme, shkruan Tirana Today.
https://tiranatoday.com/vrasja-mafioze-misteri-vdekjes-se-prostitutes-shqiptare-ne-france/
Një hetim lidhur me vrasja te mundshme të shqiptares u hap në Francë, dhe shumë shpejt u zbulua se Silvana kishte qenë e përfshirë në një rrjet prostitucioni në Montpellier, por familja ende nuk e ka idenë se çfarë ka ndodhur me të. Shkaku i saktë i vdekjes nuk është vërtetuar kurrë nga policët ose ekspertët mjeko-ligjorë, dhe deri më sot askush nuk është arrestuar ose akuzuar, shkruan Tirana Today.
Sipas një gazetareje, Laureta Rroshi, Silvana i kishte dhënë paratë një bande trafikimi për të organizuar transportin e saj dhe ta fuste atë në rrjetin prostitucionit në Francë. Silvana më pas ndryshoi mendjen dhe kërkoi që paratë të ktheheshin. Është e pamundur të thuhet saktësisht pse Silvana pranoi të shkonte në Francë. “Edhe fëmijët e Silvanës ishin të vetëdijshëm se nëna e tyre ishte trafikuar në Francë”, thotë Rroshi.
Udhëtimi nga qyteti portual jugor shqiptar i Vlorës në Brindisi, në bregdetin italian, është rreth 90 minuta me anije me motor, prandaj Vlora u bë e njohur si qendër e trafikimit të Shqipërisë. Sot, Fieri është më famëkeqi, por Vlora ende ka problemet e saj.
“Unë mendoj se trafikimi po zvogëlohet”, thotë Balida, një oficere e ngrohtë dhe miqësor e njësisë antitrafik në Vlorë. “Nuk ka më banda, vetëm burra që u ofrojnë martesë vajzave. Ata shkojnë me gatishmëri në Itali ose kudo. “
Sipas Balida, dënimet për trafikantët janë të rralla, sepse viktimat “refuzojnë të bashkëpunojnë”. “Kur ne i kërkojmë dikujt që të denoncojë thotë jo. Ky është profesioni im. Pra, nëse ajo nuk mendon se është një viktimë, pse duhet të ndërhyjmë? Unë mendoj, më shumë se klientët, kriminalizojmë vajzat. Ata nuk janë nën presion, për vajzat që kam takuar flas”. E pyetur se sa trafikantë janë arrestuar, Balida përgjigjet pa hezitim. “Asnjë,” thotë ajo.
“Ne kemi grupe të përfshira në trafikim por nuk kemi dëshmi për t’i arrestuar ata. Vetëm i mbajmë nën vëzhgim, por nuk kemi dëshmi se ata e bëjnë këtë”.
E pyetur nëse është në dijeni të rastit të Silvana Beqiraj, ajo u shpreh: “Po, por askush nuk do të dalë në skenë. Ndoshta ajo vetëm bëri armiq, dhe të gjithë janë të frikësuar “, tha ajo.
Tashmë katër vjet pasi vdekjes së Silvanës policia nuk ka asnjë detaj të ri për rastin në fjalë. “Ishte një kujtesë e tmerrshme dhe rrezikshme prostitucioni i grave shqiptare”, thotë një zyrtar i policisë Europol aktualisht në post në Shqipëri nga Evropa perëndimore. “Bandat që trafikojnë femra për këtë qëllim janë disa nga më brutalët që kemi hasur. Edhe rusët kanë frikë prej tyre. ”
Gazetarët në Tiranë dhe Fier thonë se asnjë lajm nuk kanë marrë nga Franca në lidhje me hetimin për një kohë të gjatë. Policia në Montpellier gjithashtu pohon se asnjë informacion nuk është në dispozicion. TIRANA TODAY
