Babai 15-vjeçares së përdhunuar nga roja i shkollës, ka rrëfyer disa detaje tronditëse lidhur me atë çfarë ndodhi. Ai ka treguar në emisionin “Me Zemër të Hapur” se kishte dyshuar se roja e ngacmonte vajzën e tij të mitur, ndaj i ishte drejtuar drejtorit të shkollës për ndihmë. Sakaq, drejtori i kishte premtuar se do të fliste më të. E po kështu e kishte qetësuar se nuk mund të ndodhte asgjë e turpshme, pasi ai ishte në moshë. Siç thotë ai, prej më shumë se një viti kishte dyshime për ngacmimin e së bijës, e ndërsa ende nuk i ka parë fotot dhe videot nudo, pasi i vjen zor.
“Nuk i kam parë videot, se më vinte zor. I kishte djali në telefon”, tha babai i 15-vjeçares.
Para se t’iu viheshin videot e fotot në dispozicion, kishit dijeni ç’po ndodh me vajzën?
Dyshoja pak te roja, por jo deri në këtë pikë. Dyshoja se para pallatit bënte shenja, ruante gocën. Më shkonte mendja ta kap, që t’i thoja çfarë kishte me vajzën, por ai largohej. Me këto shenjat e vogla ka më shumë se një vit. Shkova u ankova të drejtori i shkollës, i kërkova të merrnin masa se ai më ngacmonte gocën, nuk e lë të hyjë te dera, i fishkëllen.
Drejtori mori masë?
Më tha që do të fliste me të. Më tha të mos kem merak, se ai është i vjetër, nuk i bën këto punë. Familja e rojes mori masa, por unë e mora vesh në fund që e kishin nxjerrë nga shtëpia.
Gjykata ka vendosur masën “arrest me burg” për 4 autorët e ngjarjes që tronditi vendin pak ditë më parë.
Abas Doku abuzonte me të miturën që kur ishte roje shkolle, aty ku studionte dhe vajza. Më pas e përndiqte, e ka përdhunuar duke i regjistruar edhe video intime për shantazh.
